اسمع يا ترامب

لا يا ترامب واسمع مني زين
ما نامت عيون العرب عن ثارها

لا يالخسيس وارث بوش اللعين
ساحة العرب كرامة والقدس دارها

وان كان ما تدري اسأل مجربين
واسأل جبال القدس وجبل نارها

والمشارف والمشهد والطور والبطين
اللي ينسم به الهوى على ثمارها

حولها تلاحمت كجنود رماحين
مايوم استكانت ولا اندست باوكارها

سكنها كنعان وقبله يبوسيين
وشوف اوراق التوراه واخبارها

كل محتل لها تمردغ أنفه بالطين
وخلت صفوة حياته يا سود اكدارها

اسأل سنحاريب من الاشوريين
ولا يهوذا اللي تسجل من عبارها

وهيرودس وتيطس وقسطنطين
وهرقل اللي كسرته ما من اجبارها

واسأل المواقع ومنها اجنادين
وجنود ربي لابن العاص انصارها

لعند الفرنجة جاسوها قرنين
من بعد ما تسلم المفاتيح عمارها

جاهم أسد ينقاله صلاح الدين
ما خلا ولا أبقى من ذرارها

واليوم جاي تسلخها عن فلسطين
تخسا يالاحمر دونك ثوارها

ولا بد ما يجيك جنود المسلمين
يرجعوا بلادك لهنود احرارها

لا يالخاسي لا يغرك المطبعين
ما نترك بلاد رسولنا زارها

وخبر عن قوم فيها جبارين
ليوم الدين ما تنطفي نارها

نصر الزيادي