مسكت الفرشة والالوان
الون بالورود خدك
وشعرك ليل طويل مسدول
بيتمايل على قدك
وعيون سرحانة عسلية
ورمش عينيكى وتكحيلها
يدوب قلبى الحيران
مسكت الفرشة والالوان
وارسملك قلب وبيت
مجنون انا وحبك
خلانى انا حنيت
وكفك المرسوم بالحنة
موال وانا غنيت
مسكت الفرشة والالوان
الون الاحلام وردى
وقلت احلم معاكى كمان
معاكى ايامى بتعدى
مسكت الفرشة والالوان
ارسملك سحابة ونجمة
واعمل فوق جبينك تاج
وازود على الجبين نجمة
مسكت الفرشة والالوان
وحالف اكون ليكى
حياتى انتى والعمر اهديكى
واعيش بيكى واناديكى
مسكت الفرشة والالوان
وناوى ارسمك تانى
ياحلم وفاتنى وحدانى
واقول ياريتنى ما رسمتك
ولا جددت احزانى

                                           بقلم سالى محمود