نسيم بلادي
علي ضفاف نيلك
هنشم نسيمك
وعلي الربابه هنغنيلك
وورد الجناين هنهديلك
جوه القلب هنشيلك
يا مصر ما أجملك
وما أجمل نيلك
أعشقك يا سمره
وأعشق نسيمك
يا مصر السلام هغنيلك
سلام لك يا مصر
وسلام علي نيلك
نسمه جميله عطرت نخيلك
بسمه وضحكه صافيه تعليلك
عمت السماء وغطت نيلك
ما اروعها ما اروعها
هدوء وسكينة ليلك
ألوان البهجة من تلوينك
تتزيني بها وتتحلي
بأجمل وأروع مناديلك
ما أبهاكي يا بهيه
وما أوفاه نيلك
هنغنيلك
سلام لك يا مصر
والسلام على نيلك
في فجرك ويوم نسيمك
الولد صحي بدرى من غير
عادته وصحي معاه أصحابه
ولم العيله وجمع كل أحبابه
لونوا البيض مع فسيخك
الأسواني وبصلك المزهر
وقعدوا يطبلوا ع الصواني
طرح أرضك زاد جمالي
وقعدوا يغنولك ساعة الفجربه
والنسمه جايه محمله بشوق
لأروع بهيه
بالحب هنغنيلك
سلام لك يا مصر
والسلام على نيلك
تحت الشجره الكبيره
البنت زي ما تكون أميره
وسط اللمه والصحبه الكبيره
يرقصوا ويغنوا ويهنوا الأميره
مصر أميره وتوجناها
فوق الدنيا عليناها
حب وعشق أدناها
غنوه جميله وغنيناها
سلام لك يا مصر
والسلام على نيلك
علي ضفاف نيلك
شمينا نسيمك
اعطرنا عبيرك
غنينا مواويلك
سلام لك يا مصر
والسلام على نيلك
يا جميلتي من ف جمالك
يا أمي يا عاشقة عيالك
يا صخرتي من شال زيك
أحمالك
أفرحى وتهللي هيمجدوكي
أجيالك
علي ضفاف نيلك
عشقنا نسيمك
يا مصر السلام هغنيلك
سلام لك يا مصر
والسلام على نيلك
كلماتي أندرو فرج
عاشق نيلها
ليست هناك تعليقات:
إرسال تعليق