Mimi Al Masa

ياللي انت مغرور ،،

و منفوخ أوي ،،

مالك طاير في العلالي ..

و حاسس إن الناس كلهم تحتيك ..

و فاكر يا موهوم إن ربنا مصطفيك ..

لأ ،،

بالراحة شوية علينا ..

بالراحة شوية عليك ..

دي ناموسة واحدة بتقلقك ..

و تسهر عنيك .. 

بتطلع عنيك ..

و يمكن ميكروب مش باين ..

يقضي عليك ..

إنزل من العلالي ربنا يخليك ..

إمشي مع الناس ،،

إنزل.. و عفر بتراب الأرض رجليك ،،

ماهو إنت مصيرك لتراب الأرض تعود ..

و تراب الأرض .. من يوم ما إنت اتولدت ..

مستنيك

ماجدة