(من كتر الوشوش )تاليف نسيم جاد
من كتر الوشوش
بحس كل شئ شوفته
كانى مشفتهوش
وش قدامى بيضحك
ومن جوه بالالم ملطوش
ووش تلاقيه مليان غني
وهو في الحقيقه حتي تمن الاكل معندهوش
وش منور متواضع
وفى الحقيقه عن غروره يارب حوش
ووش بالحنيه يخطفك
وعن كرهه وعن غله ماتحوشهوش
ووش من البراءه يلهمك
وعلي الضعيف دايما منفوش
ووش عن المحبه يكلمك
وفى دهرك كلامه سيوف مابيرحموش
ووش عاقل من وقاره يعلمك
وهو يدوبك بس جاهل لابس طربوووش
ووش جميل عن الدين يكلمك
وهو بس واخده سكه علشان ورق منقوش
من كتر الوشوش
طلع كل شئ شوفته
علي فشوش
ليست هناك تعليقات:
إرسال تعليق