استحاله يكون غرامنا
أي حاجه أو سراب
استحاله قلبي يكدب
عمري ماقلبي هيكدب
أو يعيش أمل كداب
استحاله اخرة حروفي
محبوسه بين سطور
اومخنوقه في جلده كتاب
استحاله يكون شعوري
لحظه هروب
أو وداع أو غروب
طول عمري مؤمن بأني
اللي بنا قدرمكتوب
نحب نغلط
ساعات تقرب
ساعات بنبعد
بركعه صلاه ممكن نتوب
صدقيني بدون مبالغه
بدون ماتحمليني ذنوب
حبك قدر
ورقه حب منقوشه بندي
علي ورقه شجر
لحظه هيام معزوفة بشوق
ساعه مانلمس القمر
ايد وحاسه برعشة حنينها
اللي بين ضلوعنا قلب
استحاله يكون حته حجر
احمد عبدالحق
ليست هناك تعليقات:
إرسال تعليق