من وحي الصوره
بعد أستأذان صاحبة الصوره
« سعيد عبد القادر السيد »
( عاميه )
# المدمس #
المدمس كل وغمس
فول بالزيت الحار
أوعى تغمز ولا تهمس
دي وصفه م العطار
أفطر فول قوة غول
قوه لا تنهار
المدمس
أكله شعبيه كلها بروتين
لقمه هنيه للغلبانين
تكفي ميه من الحاضرين
وكمان زيهم من الوافدين
المدمس
يا سلام عليه بفحل بصل
المعده تقوى وده اللي حصل
أسمنت مسلح صباح العسل
المدمس
أكلة غلابه تحوش كأبه
في دنيا غابه بليل نهار
المدمس
### كلماتي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
ليست هناك تعليقات:
إرسال تعليق