غمض عينيك واحلم
واكفر بلفظة مستحيل
اصنع دروب الإنتصار
الإنتصار مش بالعويل
المُر دايما طعمه مُر
لو داق أمل يصبح عسل
وف إيدك انت تحوله
علقم بطعم السلسبيل
كل الأمانى المخلصه
بدأت بعتمه وليل طويل
شقت حيطان المعجزه
كسرت بيبان المستحيل
إشحن كفاحك بالصمود
زلزل عراقيل الوجود
استعجل الصبر الجميل
النيه خطوه فى حد ذاتها
تقطع طريق الألف ميل
هاجر هنا واحلم مُنى
والعن خضوعك للرحيل
أصل الهروب مش مبدأك
والمعركــــــــــــــــــــه
متشوقه لفارس نبيل
ليست هناك تعليقات:
إرسال تعليق