في حاجات ما بنقولهاش
لكنها بتتحس
مشاعرنا لو تتقاس
يبقي الحنين باللمس
والصمت مش معناه
إني ما حبتكيش
جايز أكون بحكيش
مشغول بحبك بس
فالوقت ما سعفنيش
إني أعيد وأزيد
ولو انتي ما سمعتيش
طب حسي م التنهيد
جايز كلامي بليد
وماليش قوي في القول
يعني انتي ما فهمتيش؟!!
إني في مشاعري خجول
لكني عطشانك
ولهيب غرامي أكيد
مش كدبتين في نشيد
الحب مش كلمات
معسوله للترديد
العشق مش ترويض
لو عايزه بغبغانات
ما تعدنيش فيهم
صدقي في مشاعري سكات
لو عاشقه حسيهم
عندي كرامة ذات
وشموخ وعزة نفس
شغل التلت ورقات
طلقته ميت مره
لو حابه بهلوانات
فانسيني بالمره
والنحنحه والرسم
كارهيني مش توبي
ولو انتي بتدوبي
هتقدري عيوبي
وهتفهمي من الهمس
أنا قلبي مات بالأمس
واليوم عايش بيكي
فشيليني في عنيكي
زي الفروض الخمس
هذا نبأ عاجل
فحوي القاموس جاهل
يلاقيلي شبهك وصف
مش قصدي أتجاهل
أنا بيكي بس بحس
مين ده اللي بالساهل ؟!!!
ينكر شروق الشمس
ليست هناك تعليقات:
إرسال تعليق