عمي آلغالي ايه اخبارك
انتي حبيب وكبير مقدارك
كل ما اشوفك احس باني
شفت الخير بيقرب مني
بص ياعم الكل ياغالي
طبعا انت عارف أحوالي
بنتك نجوي جاي اخطبها
ترضي ياعمي تجوزهالي
من يوم ما شوفتها وانا
مش عارف اظبط أحوالي
قلت اروح لعمي حبيبي
بعدها هتبقي احلي ليالي
(العم )
اهلا يابني اتشرف بيك
انت وكل اللي حواليك
هديك بنتي الغاليه عليا
بس تشيلها جوه عنيك
عاوز المهر ياولدي فلوس
علي قد ماهتشيل ف اديك
وشقه كبيره ملك لبنتي
ده بنتي دايما بتشكر فيك
وفرحنا يبقي ف الشيراتون
لو الهيلتون صعب عليك
والكوافير يبقي ف بيوتي
علشان بنتي تملا عنيك
كده سهلنا كل طريقك
يلا بقي مش هتغلي عليك
الشاب
شكرا عمي اقولك ايه
انا خلاص قررت اتصوف
ودماغي تقلت كده ليه
برضو ياعمي عاوزلها مهر
طيب مهرها فين الاقيه
شكرا ليك بجد ياعمي
والشاب راح مغمي عليه
😂😂😂😂😂😂😂
(أ/حازم حمزة)
ليست هناك تعليقات:
إرسال تعليق