كلام مبيتقريش
يمكن ملوش لازمة
لكنى بكره كلام يكدب
ويقول مفيش أزمة
واكره كلام يطول
طول المسا على الفاضى
واكره كمان اللى تعبان ويعمل نفسه راضى
واحب اللى يقول على الجزمه جزمه
يامصر ليه السكه مفروشه ورد للكدابين
وللصادق مفروشة سجن أو خانكه
او تأبين
ومادام فى السكتين اخرتها ميتين
هختار طريق فيه القصيده تطوف
يسمعها من بعدى ألوف
تخلى كدب الخاينين مكشوف
كلامنا الصادق لازم يوصل
للمخلصين
مهما حاربه تجار وطن
او حتى تجار دين
ليست هناك تعليقات:
إرسال تعليق