ونور عينها.
وكل ما ليها في الدنيا
يا تفصيلة في تكوينها.
يا ابوها وعمها وخالها
يا كردانها وخلخالها
يا شاغل كل تفكرها
يا عكازها وراس مالها..
ياتحويشة.. سنين العمر
يا أجمل شئ يحلي المر
يا فرحه قلبها النابض
لراحتك هى دايما بر..
يا ضحكتها في وقت الهم
ده مين غيرها اللي بيك يهتم
ومين غيرها اللي بيضحي
عشان تبقي انت حد مهم..
حسب ما بتوصفك هى
يا ريت تبقى
عشان م الصعب يوم تلقى
في حد بجد في حنانها
ف شيل عنها
وكون عينها
وع الايام بقي عينها.
بلاش تكسر خاطرها ف يوم..
وحاسب تحرمك منها..
ولا تقلقها بغيابك
ولا تتعبها بعنادك
وخليها رقم واحد ..
فى ترتيبك لاحبابك
ودايما يا ابني ترضيها
ولو هيكون علي حسابك
في جنة تحت رجليها
وهى راح تكون بابك
لا تغضبها
ولا تفكر تزعلها
ولو حتي مهوش قصدك.
عشان رب العباد راصدك.
وراصد في الرضا غفران
يا واد امك دي بحرحنان
وعنك في الهموم شيال
وفيها هموم تهد جبال
لاكن صابره علي ادا الحال
لا كلت منه ولا ملت
ولا الحنية يوم قلت
كلامي حقيقي متكرر
لاكن لازم يا واد يتقال
وصية لكل ابن حلال
تشيل امك في نن العين
تراعيها ليوم الدين
بلاش تغفل عليها عشان
ده كله في الحياة دي دين.
وامك من زمان ديناك
وأفضلها تفوق العد.
ومهما تسد .
مش ممكن توفي الدين
ف حاول قد ما هتقدر
وزيد في رضاها زيد أكتر
وزيد تاني
وزيد تالت
وزيد رابع ده يمكن يبقي ليك شافع..
ياروح امك
دي كلمة كلها احساس
ف ليه معرفش تغضب ناس
ليه تزعل لما تسمعها
دي كلمة تتوزن بالماس
ياريت اسمك بيجمعها
يا روح أمك
ونور عينها
وغنوتها
وموالها
ورحلتها
وترحلها
وتاج راسها
وراس مالها
وكل ماليها
يا حالها
واحوالها
و فرحتها وضحكتها
وبسمتها ودمعتها
وخطوتها وسكتها
و مشوارها وغربتها
يا جامع كل احاسسها
ياواد بالحب حسساسها
دي روحك لما تلمسها
بتوهبها بروحها حياة.
يا حلم ف ارضها مزروع
يا قلب ومنها منزوع
ده لو مره تقول الاه
تلاقي كلها مفزوع.
كلامك يا ابا خلاني أحبك موت
وأفعلها اللي ملياني
سبب كافي يخليني عشانها أموت
وأعيش خدامكو طول العمر
وأسلمكم زمام الامر
مسبش الفرصة مني تمر
وانفذ فيكوا أمر الله
عشان ما اخسرش
زي ما قال وعلمني رسول الله..
رضاكوا حياة..
وطاعتكم عليا فرض
يا أغلي ما ليا فوق الارض
أنا حبي إليكم فاق
وعدى الحد
ولسة برضة مش عارف احب بجد
يا نعمه ربنا ليا
يا اسباب الحياة ديه
انا مديون بأيامي
وعمري وكل أحلامي
وكل جميل كمان فيا.
أكيد انتو السبب طبعا
في فرحة قلبي وعنيا
ليست هناك تعليقات:
إرسال تعليق