تنهيدة روح
أوقات الضغوط النفسية بتعجز الروح قبل اوانها
حاجات كتير محتاج تقولها ومبتقولهاش بتظهر في صورة تجاعيد وانكسار في العيون
حاجات بتحس بيها... انت بس اللي حاسسها
بدل ما تتكلم او تكتب بقلمك على الورق
بيكتبها الوجع بخطوط على وشوشنا
بدل ما تتكلم او تكتب بقلمك على الورق
بيكتبها الوجع بخطوط على وشوشنا
دايما في عز الفرحة نلاقي جزء جوانا حزين ودايما بينتصر مهما كان حجم الفرحة
ويقدر يسيب على وشوشنا رسمة الحزن
أصعب انواع الوجع ...
الوجع اللي متقدرش تفضفض وتحكيه لحد
بتشيله لوحدك وتحجمه علشان ميظهرش لأي حد
الوجع اللي متقدرش تفضفض وتحكيه لحد
بتشيله لوحدك وتحجمه علشان ميظهرش لأي حد
يعني موجوع ومتكتف
ساعات نتصور ونضحك ولما نرجع نشوف الصور نفتكر اللي كنا بنفكر فيه وقتها
ونكتشف اننا ممثلين بارعين
بنقدر نرسم الضحكة في وقت مش بتاعها
لكن مبنقدرش تمحى اثر الحزن من على ملامحنا
حتى الضحكة بتكون مكسورة
ونكتشف اننا ممثلين بارعين
بنقدر نرسم الضحكة في وقت مش بتاعها
لكن مبنقدرش تمحى اثر الحزن من على ملامحنا
حتى الضحكة بتكون مكسورة
ليست هناك تعليقات:
إرسال تعليق