"ملحمة الشهادة"
يا حلم يا مهاجر بعيد
يا ريت تقرب لى البعيد
وتفوت على أرض الشهيد
قلب الشهيد
روح الشهيد
إبن البلد
رمل البلد
ساعة الشهيد لما إتولد
مَدوا الأيادى لنبض عِرقه إللى إنكبد
وبعلو صوتهم
هللوا
ونحيبهم إتبدل فرح
وبصوت شعورى إللى إنجرح
طليت على صاحب السكن
والدمع فى عيونى إتوجع
أااه ع الجدع
فى كل يوم ملياها وَدعَة من الودع
بياخدوا من روحها القرار
وبنظرة ملياها المرار
وبعزم صوت الإنهيار
صرخ الندم
قلب الشهيد
روح الشهيد
إبن البلد
رمل البلد
ساعة الشهيد لما إتولد
مات الولد
عاش الوليد
بينادى على إبن الشهيد
قلب الشهيد
روح الشهيد
يا حلم يا مهاجر بعيد
يا ريت تقرب لى البعيد.
................الشاعر / وائل ساليم عبدالله
ليست هناك تعليقات:
إرسال تعليق