مساء الخير
علي السهران ومش هامه
مساء تاني
علي النايم ومش سهران
ما بين الاتنين
في صف حيطان
فاصل واحد عن التاني
واحد قاعد فى ليل حيران
واحد نايم عشان سكران
ومش قادر يفتح عين
وصاحبه التاني مش قادر
يكون حاجتين
عايز يختار ما بين اتنين
يكون هو مش التاني
يعيش مظلوم ومش جاني
يعيش ذاته يكون فارس
يكون بالمحرومين حاسس
ويتألم وتبكي عينيه
يشوف المظلومين حواليه
فيتمادى في إحساسه
وصاحبه التاني بيشخر
تملي في نومه متأخر
وما بيصحاش
بيدي كل حاجه طناش
يصبح شيشته ويعفر
صباح مشبوه وبينفر
صباحه انفاس بتتبخر
صاحبنا مهنته حشاش
وعيشته كلها تكفر
حياته زي ميت عاش
عايش في الدنيا مش عايش
ولو فتشت في الجوهر
تلاقي جوه منه مفيش
لإن الدم كله حشيش
وإحساسه غياب وما جاش
غريبه الدنيا وعجيبه
ملانه تناقضات وحاجات
صُحابنا الصاحي والنايم
على خلافهم دا يبقوا اخوات
ليست هناك تعليقات:
إرسال تعليق