(هلاوس بعد نُص الليل)
كُل الخاينين
اتفقو على قتلى
والطلقه والايدين متكلبشين
جتلى
انا ميت !
اكيد ميت
النعش اللى جاى من هناك اكيد نعشى
ياما كان نفسى اعيش العمر ده بطوله
كله سلام
وقصايد حب انا أتلى
بصراحه؟
بصراحه كان نفسى اموت موتة بطل
انا مموتش بطلقه كان هيفرق ايه لو كان حصل؟
انا عشت طول عمرى خايف من سجونهم
انا عشت !!
انا كداب
انا امى ولدتنى ميت
ولدتنى وهى عارفه انى فيوم راجع للتراب
وهموت نفس الموته اللى ماتها ياما ناس قبلى
ايه ده
انا مموتش؟ والنعش مش نعشى
طب والقرأن كان على مين مقرى؟
ايوه صح الميت مبيفكرش
طب لو انا صاحى ليه مبتحركش
مش مهم
المهم انى لسه عايش
قدامى عمر طويل
مش هكتب قصايد
هخاف من السجون
وهخاف من الموت
لغاية ما الموت يجيلى وانا ورا العبط بجرى
ليست هناك تعليقات:
إرسال تعليق